काठमाडौँ, ५ फागुन : रुद्रराज साहित्य सेवा समितिले वरिष्ठ शिक्षाविद् प्राध्यापक शङ्करराज पाठकलाई यस वर्षको शिक्षा सम्मान प्रदान गर्ने निर्णय गरेको छ । त्यस्तै, शिक्षा क्षेत्रमा अनवरत योगदान पु¥याउँदै आएको शिक्षक मासिक पत्रिकालाई पनि यस वर्ष विशेष सम्मान प्रदान गर्ने निर्णय भएको संस्थाका अध्यक्ष डा बद्रीराज पाण्डेले जानकारी दिनुभयो । नेपालको शिक्षा, साहित्य, इतिहास तथा अध्यात्मिक क्षेत्रमा अतुलनीय योगदान पु¥याउनुभएका रुद्रराज पाण्डेको १२४औँ जन्मजयन्ती कार्यक्रममा उहाँहरुलाई उक्त सम्मान प्रदान गरिने छ । विसं २०४४ मा स्थापित समितिले शिक्षा, साहित्य, इतिहास र अध्यात्म क्षेत्रमा विशिष्ट योगदान दिने व्यक्ति वा संस्थालाई प्रत्येक वर्ष आलोपालो गरी पाण्डेको जन्मजयन्तीका अवसरमा सम्मान गर्दैआएको छ ।
प्रतिक्रिया दिनुहोस
